Ohatrinona ny saran'ny fitantanana ny tontona ?

Tsy misy sarany alain'i kotikota.com amin'ny fitantanana ny tontona.

Ahoana ny fomba hanovako ny safidiko ao anatin'ny tontona?

Raha hanao izay fanovana izay ianao (sary, famaritana, safidy) dia mandeha eo amin'ny pejin'ny tontonao ka manindry ny "Safidy ho an'ny tontona"

Ahoana ny fomba hahalalako rehefa nisy nandray anjara amin'ny tontoko?

Hahazo hafatra e-mail ianao isaky ny misy mpandray anjara amin'ny tontonao, raha tdy hoe nisafidy an'ilay "Tsy mandray filazana amin'ny hafatra e-mail" ianao. Azonao jerena eo amin'ny pejin'ny tontonao amin'ny alalan'ilay bokotra "Fitantanana ny tontona" amin'ny fotoana rehetra ny lisitry ny mpandray anjara mba hisaoranao azy ireo na manasa azy ireo handray anjara.

Ahoana ny fomba atao raha hampahatsiahy mpandray anjara?

Azonao atao izay amin'ny fotoana rehetra eo amin'ny pejin'ny tontonao ka manindry ny bokotra "Fitantanana ny tontona"

Iza no afaka mametraka hafatra ao amin'ny tontona?

Ny tompon'ny tontona sy ny mpandray anjara manana kaonty rehetra no afaka mametraka hafatra, hafatra iray isan'olona.

Ahoana ny fomba isaorana ny mpandray anjara?

Afaka misaotra ny mpandray anjara amin'ny tontonao ianao amin'ny fotoana rehetra.

Sokafy ny pejin'ny tontonao ary tsindrio ny hoe "Mamaly fanamarihana"

Azo averina ve ny volan'ny mpandray anjara?

Tsy azo iverenana intsony ny fandraisana anjara raha tsy hoe misy tsy fetezana na olana ara-teknika anatiny. Raha izay no mitranga, dia mandefasa fangatahana famerenam-bola aty aminay ianao amin'ny adiresy hello@koti-kota.com ka omeo anay ny adiresy mail an'ilay olona amerenam-bola dia izahay ihany no manatontosa ny famerenam-bola (tsy misy sarany) ao antin'ny 15 andro, andro fiasana.

Inona avy ireo karazana tontona?

1. «cagnotte publique tontona ho an'ny be sy ny maro» : ny mpandray anjara rehetra dia afaka mahita ny tontonao rehefa mampiasa aterineto na tsy mahazo ny rohy fanasana aza. Manamora ny fizarana ny tontonao (amin'ny tambajotra sosialy, ny lisitr'olom-pantatrao) izany.

2. «tontona manokana», tsy ho hita amin'ny alalan'ny aterineto ny tontonao ary ny olona nahazo rohy fanasana ihany no ho tafiditra ao

Misy fepetra tsy maintsy ve rehefa hamorona tontona?

Tsy misy fepetra manokana, ankoatran'ny hoe tsy maintsy feno 18 taona. Angatahina ny karapanondrom-pirenena na pasipaoro alohan'ny hivoahan'ny tontona firaisankina, ary amin'ny fotoana handraisana ny vola ho an'ny tontona manokana. Hamarinina ao anatin'ny 48 ora fiasana ny tontona firaisankina alohan'ny hivoahany.

Tsy misy vola ambany indrindra na ambany indridra takiana Na izany aza anefa, manome toky izahay hanakatona avy hatrany ny tontona na izay mety ho resaka misy herisetra, fanavakavaham-bolokoditra na sary mamoafady

Misy sarany ve ny famoronana tontona?

Tsy misy sarany alain'y kotikota.com eo am-pamoronana tontona.

Ny saran'ny fikirakirana ihany no alaina rehefa hanakatona ny tontona. Izany dia 3 % ny vola voaangona ho an'ny tontona manokana, ary 6 % ho an'ny tontona firaisankina

Rehefa toe-javatra tahaka ny inona aho no tsy maintsy manome fanamarinana?

Amin'ny ady atao amin'ny hosoka, ny famotsiam-bola ary ny famatsiam-bola ny asa fampihorohoroana, dia didian'ny lalàna izahay hanamarinana ny taratasy momba anao ary mitaky foana fanamarinana ny momba anao eo am-pamoronana tontona Izay fomba fanao izay no ahafahanay manamarina sy manaiky ny kaontinao mba ahazoanao misitraka tanteraka am-pitoniana sy tsy misy ahiahy ny tolotra omenay

Mety hisy taratasy fanamarinana hafa ho takiana aminao eo amin'ny fandaniana raha tontona ho an'ny be sy ny maro (ohatra : tetik'asa iombonana na fandraharana). Izay no atao dia mba ahazoanay antoka fa ny vola voaangona dia ho ampiasaina mifanaraka amin'ilay zavatra ilana vola na ilay tetik'asa nahatonga anao namorona ilay tontona

Mila manana kaonty ve raha hamorona tontona?

Eny, tsy maintsy mamorona kaonty ianao rehefa hamorona tontona. mba ahafahanay manome tolotra azo antoka

Ahoana ny fomba famoronana Kaonty KOTI-KOTA?

Mandeha eo amin'ny pejy fandraisana ianao, dia manindry ny hoe "Misoratra anarana/Miditra. Telopolo segondra ihany dia ampya hamenoanao ny mombamoba anao rehetra (Anarana, fanampin'anarana, adiresy e-mail,etc...)

Raha vao vita izay dia ahazo -mail avy hatrany ianao manamafy izay fisoratanao anarana izay sy hanamarinana ny e-mail nao

Afaka manindry ny ""Facebook connect" koa ianao na ny "Google connect" raha hanao fisoratana anarana eo no eo.

Ahoana ny fomba atao raha te-hanao tontona mifanaraka amin'ny safidiko manokana aho?

Eo am-pamoronana ny tontona dia efa mandeha ho azy izay (Sary fanampiny, famariparitana ny vola itambarana). afaka ovainao izay na rahoviana na rahoviana

Mazava loatra fa ny tontona voafariparitra tsara (sary + famariparitana mahasarika tsara) dia mahasintona ny olona kokoa.

Amin'ny fotoana manao ahoana no omeko ny antsipiriany momba ny kaontiko (banky)

Azonao atao amin'ny fotoana rehetra izay, eo amin'ny hoe "RIB".

Inona ny karazana fandraisana anjara isafidianana?

Misy karazany telo : malalaka, atoro ary raikitra

Fandraisana anjara malalaka : avelanao ny tsirairay hanapaka hevitra amin'ny vola fandraisany anjara.

Fandraisana anjara atoro : manome sosokevtitra ianao mikasika ny vola fandraisana anjara tena mety indrindra. Na izany aza anefa, malalaka ny tsirairay hametraka mihoatra na latsaka.

Fandraisana anjara raikitra : mitovy foana ny vola apetraky ny mpandray anjara.

Inona no mitranga raha tsy tratra ny fetra nokasaina?

Rehafa mikatona ny tontona, dia tsy misy afaka mandray anjara intsony

Aza manahy anefa satria napetraka ho fampahalalana ny fetra tiana ho tratrarina. Raha tsy tratra anefa io fetra io dia tsy maintsy omena anao ihany ny tontona rehefa tonga ny fotoana Raha misy fangatana fanonerana avy amin'ny mpandray anjara iray, dia ilay olona nandray ny vola azo avy amin'ilay tontona ihany (ilay namorona azy na ilay nahazo ny tombotsoa avy amin'ny tontona araky ny safidy tany aloha) no hany tompon'andraikitra eo amin'ny fanaovana izay fanonerana mpandray anjara izay. Amin'ny tranga rehetra, dia mijanona ho anay ny saran'ny fampandehan-draharaha ary tsy averina aminao (6% ny tontona)

Iza ny olona afaka mitsoka ao amin'ny tontoko?

Manana karazany roa ianao :

1. « tontona ho an'ny be sy ny maro », ny mpandray anjara rehetra dia afaka mahita ny tontonao rehefa mampiasa aterineto na tsy mahazo ny rohy fanasana aza. Amin'izay dia afaka mandefa azy ho hitan'ny olona amin'ny tambazotra sosialy koa.

2. « tontona manokanav » : tsy ho hita amin'ny alalan'ny aterineto ny tontonao ary ny olona nahazo rohy fanasana ihany no ho tafiditra ao.

Iza avy no mety mahita ny mpandray anjara amin'ny tontoko?

Ny olona rehetra dia afaka mahita daholo an'ireo izay nandray anjara amin'ny tontona, raha tsy hoe angaha nisafidy atao "tsy fantatr'anarana" ilay mpandray anjara na nataonao tsy mivoaka ho hitan'ny be sy ny maro ny anaran'ny mpndray tamin'ny ianao namorona ny tontona.

Iza no mety mahita ny tontoko?

Ny olona rehetra dia afaka mahita daholo ny tontalin'ny tontonao, raha tsy hoe angaha nataonao tsy mivoaka ho hitan'ny mpandray anjara tamin'ny ianao namorona azy.

Ahoana ny fomba anasana mpandray anjara?

Nametrahanay rohy fidirana tokana eo amin'ny pejin'ny tontonao :

Misy fomba telo no ahafahanao manasa olona handray anjara :

Manindry ilay sary kely Facebook, na Whatsapp na Twitter (raha manana kaonty amin'ny iray amin'ireo tambazotra ireo ianao)

Manindry eo amin'ilay hoe « e-mail »,

Adika/Apetaka ilay rohy fidirana tokana ary alefa any amin'ny namanao amin'ny alalan'ny tambazotra sosialy nosafidianao

Ahoana ny atao raha hampiditra lisitr'olom-pantatra?

Trindrio eo amin'ilay hoe "Manasa" eo amin'ny pejin'ny tontonao, avy eo soraty ilay lisitra na maka lisitra efa vita.

Ohatrinona ny saran'ny fandraisana anjara amin'ny tontona iray?

Tsy manampy saram-pandraisana anjara i Koti Kota. Amin’ny karatra banky, maka ny saram-pandoavany ny PayPal (manodidina ny 2,9 % + 0,35 €) : tsy misy tazonin’i Koti Kota amin’izany, ary ny vola madio no raisin’ny tontona, ovaina amin’ny taha Koti Kota (tahan’ny Banky Foiben’i Madagasikara analana 2 %). Aseho alohan’ny fandoavana ny vola horaisin’ny tontona. 5 € no kely indrindra amin’ny karatra. Amin’ny Orange Money, ampiana ny saran’ny mpandraharaha ny anjaranao.

Ahoana ny fomba fandraisana anjara?

1 . Lazalazao ny mombamomba anao : anarana, fanampin'anarana ary e-mail na safidio ny Facebook Connect na Google Connect.

2 . Mariho ny tontalin'ny fandraisana anjara irinao.

3 . Mariho ny fomba fandoavam-bola irinao (carte bancaire na Orange Money)

4 . Safidio ny karazana fiarovana mety aminao (izany hoe afeninao na tsia ny anarana sy ny vola fandraisanao anjara eo amin'ny pejin'ny tontonao)

5 . Soraty ny mombamomba ny nomeraon'ny kaontinao amin'ny banky, mandeha avy hatrany ny fandoavam-bola ary mahalala avy hatrany ny fandraisanao anjara ilay namorona ny tontona.

Inona no mitranga raha ohatra tsy tontosa ny fandraisako anjara?

Betsaka ny mety ho anton'izay. Manasa anao izahay hanoratra mivantana amin'ny adiresy hello©koti-kota.com ka mariho ilay e-mail nampiasainao tamin'ny fandraisana anjara. Ho hitanay mora foana ny fototry ny olana.

Ahoana ny fomba anafenako ny anarako sy ny tontalin'ny fandraisako anjara?

Manana safidy hampiseho na tsia ny anaranao na/sy ny tontalin'ny fandraisanao anjara.

Raha maniry hanova izay safidinao izay ianao any aoriana dia azonao atao izay ao amin'ilay hafatra fanamafisana ny fandraisanao anjara izay nalefanay taminao ary tsindrio eo amin'ilay hoe "manova ny mombamomba ny fandraisana anjara"

Azo antoka tsy misy atahorako ve ny fandoavako vola?

Eny. Ny PayPal no mikarakara ny fandoavana amin’ny karatra banky, ary ny Orange Money ny fandoavana amin’ny finday. Tsy hitan’i Koti Kota ary tsy tehiriziny ny laharan’ny karatrao.

Hahazo fanamafisana ny fandoavam-bola ve aho?

Isaky ny mandoa vola ianao dia hahazo fanamafisana amin'ny hafatra e-mail foana. Raha tsy nahavoaray ianao dia jereo ao amin'ny spams. Aza misalasala manoratra aminay amin'ny e-mail na miantso ny nomerao (+261) 32 90 082 57

Ahoana no ataoko raha hanakatona ny tontoko aho ?

Midira ao amin'ny kaontinao, sokafy ny pejin'ny tontonao ary tsindrio ny « Manakatona ». Tsy azo averina ny fanakatonana : tsy misy afaka mandray anjara intsony aorian'izay.

Ahoana no ataoko raha hamafa ny tontoko aho ?

Angataho ny famafana amin'ny alalan'ny e-mail ao amin'ny hello@koti-kota.com, rehefa voarainao ny volan'ny tontona.

Inona avy ny sarany amin'ny fanakatonana ?

Maimaim-poana ny famoronana tontona sy ny fandraisana anjara. Misy saram-pandraharahana alaina amin'ny vola voaangona rehefa alefa ny vola : 3 % ho an'ny tontona manokana ary 6 % ho an'ny tontona firaisankina. Ny saran'ny famindram-bola dia esorina amin'ny vola alefa ary zakain'ny mpandray.

Rahoviana no azoko raisina ny volan'ny tontoko ?

Azonao angatahina ny volan'ny tontonao raha vao mikatona, amin'ny alalan'ny e-mail ao amin'ny hello@koti-kota.com.

Hafiriana ny fotoana ahazoako mampiasa ny volan'ny tontoko ?

Manana 21 andro ianao, manomboka amin'ny andro nikatonany, hampiasana ny volan'ny tontonao.

Ahoana ny fomba andraisako ny volan'ny tontoko ?

Azonao raisina amin'ny alalan'ny famindrana any amin'ny banky, Orange Money na PayPal ny vola.

Rahoviana no ho tonga ny famindram-bola ?

Aorian'ny fangatahanao dia mahazo e-mail fanamafisana ianao. Tonga ao anatin'ny 72 ora fiasana, manomboka amin'io e-mail io, ny famindram-bola.

Tsy alefa ny vola raha tsy voamarina ny taratasy fanamarinana ny maha-izy anao. Raha tsy misy taratasy manan-kery ao anatin'ny 30 andro aorian'ny fanakatonana tontona manokana, dia averina amin'ny mpandray anjara ny vola natolony.